==> الســلام عليكم ورحمة الله وبركاته <==
==>بســـم الله الرحمـــن الرحيــــم<==
قبل اي كلام يا ريت ما تعتبرهوش شرط بس رجاء >>> الموضوع طبعا مش محتاج اني اقول انه {{ مش على كل الشباب والبنات }} علشان انا متأكد ان اول كلمة هتترد عليا بيها {مش مع كله يا فارس } وانا عارف ده بس انا بتكلم عن اللي بيعملو ا كده وكل واحد عارف نفسه ( لا تعليق ).
كمل الموضوع لاخره واقرأه كامل علشان بجد انا تعبت فيه وعايز اعرف الردود بتاعت اخواتي او ع الاقل معارفي عليه .
تاني حاجة ي اريت ما حدش يزعل من كلامي .
كيد في منكم بيقول هو ايه الغوغاء اللي هو عاملها دي محسسنا اننا هنقرا وثيقة بيع الاهرامات بس انا هو لكم ان الموضوع لمن يهمه الامر
>>>>>>>>>>>>>>>>>>>>> بسم الله نبدأ <<<<<<<<<<<<<<<<<<<<<<<<<
أ
عنوان الموضوع : فارس لارخص عمله >> فارس الكلام << فارس لاكبر كذبة
كاتب الموضوع : أحمد فارس الكلام
اللغه العاميه اسهل لوصول الكلام باقصى معاني له
>>>>>>>>>>>>>>>>>>>> مقدمة الكلام <<<<<<<<<<<<<<<<<<<<<<<<<<<<
طبعا مش انا بس اللي دخلت شاتات اكيد كلكوا وشفتوا كتير ويمكن اكتر مني بكتير ولكن ماشوفتش حد بيتكلم عن حاجة يعني كله اخدها كعاده ما حدش فكر انه يقول حتى رأيه الا عن ( الشتايم ومش لازم حد يشتم - الحب - الصحوبيه .... الخ )
يعني ما شوفتش بصراحه حاجة جديه اوي ويا ريت كلنا نشارك في الموضوع علشان يمكن انا واخد فكرة غلط عن الناس وانا غلط لكن اكيد مش هبقى غلطان 100% ولكن انا واثق ان الكلام ( هيتناثر ) مني انتوا بقا ان شاء الله تنبهوني ..
>>>>>>>>>>>>>>>>> النقاط التي يتضمنها الموضوع <<<<<<<<<<<<<<<<<<<<<<<<
* انواع الكلام (اساليب) اللي عرفته للتعارف بين الولد والبنت ( كلمة هاي - الهزار - السهوكه - الانتقاد ثم الاتفاق - الخلاف ثم التقارب - القمصة الكدابه - الكلام الجاد)
* الفرق بين الواقعيه و المثاليه .
* الشخصيات في الشات .
* مشاكل الرومز .
* كلمة اخيرة .
>>>>>>>>>>>>>>>>>>>>>>{{ انواع الكلام اللي عرفته }}<<<<<<<<<<<<<<<<<<<<<<<
* هاي :اول حاجة وكلنا عارفينها طبعا وانا بقيت بقول عنها في الشات ( بقت موضه قديمه وانقرضت ) كلمة { هاي } كلنا عارفين انها كلمة اجنبيه المقصود منها السلام ولكن السلام بطريقة الاسلام افضل طبعا ( السلام عليكم .. > الرد بافضل منها حتى ..ورحمة الله وبركاته ) ، كفاية انه امر الله .
المهم انا دخلت مثلا روم لقيت واحد بيقول لواحده هاي >> تقوله هي هاي >> كده الحمد لله اتعرفوا على بعض وكأنهم يعرفوا بعض من سنين وهزار وضحك ولعب وجد يوصل للموبايل ان شاء الله ( مش مع كل الشباب والبنات )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* الهزار : ازاي بقا بطريق الهزار بيتعرفوا ...؟ اقولكوا >> انا هزرت مع واحده وهي هزرت معايا وكل يوم نييجي نتكلم بهزار وكده>> بعدين اتعودنا على بعض>> بقينا بنهزر في الخاص بقا مع بعض >>وبدل الهزار بقا في كلام جد بينا >> طيب انا مش داخل الشات تاني / هي مش داخله الشاتت تاني ( عايز الميل من الاخر ) >> بقينا نتكلم ميل >> طيب انا عايز اشوف مين بيكلمنى >> وهكذا تبدأ قصة حب جديدة ( او اللي بنسميه حب يعني ) و بكده اكتملت اركان غرضهم من الشات .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*السهوكه : واعتقد ان المعظم عارف اني بدأت اكره اموشنات الكسوف اللي في الشات ولكن سيبنا من ده كله احنا نعرف بقا السهوكه >> يعني ايه سهوكه اصلا ..؟
السهوكه دي اللي هو كلام الدلع و تلقيح الجتت ...بمعنى ايه >> مش فاهمين .... صح ؟؟؟ طيب مثلا ::
انا دخلت عليا واحده اول مرة اشوفها : ولكمووووووووووووووووو ( فلانه )
يسلموووووووووووووو ( انا )
ازيك عامله ايه ( اموشن مكسوف )
الحمد لله كويسه انت عامل ايه ( اموشن مكسوف )
الحمد لله بخير >> دووم ( اموشن مكسوف ووردة )
( وطبعا بعد استفسارات الاسم والسن والعنوان ورقم الموبايل والمدرسة او الجامعه و بتاكلي ايه وبتشرب انت ايه .... التعارف الممل )
طيب مش عايزة حاجة > ميرسي ( اموشن مكسوف )
تاني يوم ييجي الشاب المكسوف يديها كام ورده ويسطح وبعدين >>> الميل بتاعي اهه سجليه ( بمنتهى البساطه )
ولو قالتله ليه ؟؟ ( يرجع لنظام السهوكه ) >>> اصل انا ممكن ما ادخلش الشات او اكون ع الميل بس ( اموشن مكسوف )
اوكي >> تم تسجيل الميل بنجاح <<<
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* ومن اهم بقا نقط التعارف الجديدة او الشكل الجديد بقا هما الشكلين ( ده واللي جاي بعده )
الانتقاد ثم الاتفاق : عبارة عن اتنين اول يوم او يومين ليهم قدام بعض في الشات ينتقدوا بعض ويعارضوا بعض وبهمه ونشاط ( بالتالي كل يوم هييجوا يدوروا على بعض علشان يكملوا كلامهم ) اصبح التقارب واضح جدا بينهم ومش محتاج توضيح وبعد فتره الاخ او الاخت ايا كان اي حد فيهم يعني يطلب من التاني الميل بما انهم اصدقاء ويكملوا كلامهم هناك براحتهم بقا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* الخلاف ثم التقارب : هو قريب من اللي قبله ( الانتقاد ثم التقارب ) يعني اتنين يحصل ما بينهم مشاده كلاميه ولكن مش في موضوع يعني الرأي والرأي الاخر ولكن مشادة خلاف يعني مثلا هو اتري عليها او هي اتريقت عليه تلاقي الطرف التاني اتحمق اوي كده و عمل ( من الحبه قبه )
وبعد كده الاتنين يرجعوا يتأسفوا لبعض ويبدأوا بقا في دور السهوكه على شوية كلام جاد على شوية كلام من هنا ويدوم الكلام بينهم ويقعدوا كام يوم ع الشات مع بعض لحد ما يحصل زي كل مرة >> ايميلات >> تليفونات >> زي ما تيجي تيجي بقا .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* القمصه الكدابه : ودي تقريبا زياده اوي اوي عند الناس >> عبارة عن ايه بقا دي >> واحد يادوب كلم واحده كلمتين حلوين او العكس واحده كلمت واحد كلمتين حلوين يقوم مثلا طرف منهم يتلكك للتاني باي حاجة ويقوله معلش اسف اني عملت كذا ويقوم سايب الروم ويروح روم لوحده ( علشان التاني يروح وراه والاتنين يقعدوا مع بعض في روم واحد ) مش فاهمين مش مشكله نمثلكوا قصه بالموضوع كله ,,,>>
اتنين يعرفوا بعض وداخلين الشات : البنت بتكلم شاب غير الجدع بتاعنا او الشاب بيكلم بنت غير البنوته بتاعتنا فالطرف التاني يعمل ايه بقا >>> مثلا الطرف الاولاني نسي يرمي عليه السلام او يقوله ولكم او اي حاجة مهما كانت تفاهتها ( انا هخلي البنوته هي اللي بتكلم واحد تاني والجدع بتاعنا عايز يلفت انتباهها انه هنا )
الجدع بتاعنا : اها هو انتي هنا .. طيب
البنوتــه : ازيك يا ( فلان )
الجدع : الحمد لله >> عن اذنكوا بقا اسيبكوا لوحدكوا شكله كلام مهم برررررررب
ويسيب الجدع بتاعنا الروم ويروح روم تاني ( فاااااضي )
البنوته تدخل عليه بقا
البنوته : (اموشن غضبان ) في ايه ؟
الجدع : مفيش
البنوته : بجد مالك
وتبدأ بقا ادورا السهوكه بتاعتنا المعتادة وبكده الاتنين يرتبطوا ببعض بمجرد الكلام ماهي مش هتزعله تاني ولازم كل مرة تقوله ولكم .... الخ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الكلام الجاد :ويمكن ده برده زيادة شويتين وعبارة عن اتنين مثقفين ( او بيظهروا بمظهر المثقفين ... وتلاقي الكلام جاي من جوجل )
المهم النقاش يبدأ وكل يوم في نقاش في نقاش لحد ما ييجي الوقت اللي يعتادوا فيه على بعض وبما انهم مثقفين يبقى في احترام بينهم وبالتالي مش مشكله لما اخد ايميلها ( دي صديقه وعايز اطمن عليها في اي وقت ) وليه ما اشوفهاش ونروح المكتبه العامـه نقرأ كتابين ولا حاجة ( المكتبه العامه = جنينة الاسماك ولا اقولكوا دريم بارك { نيو لوك } )
<<<<<<<<<<<<<<<<<<<<< لحد هنا الجدع اتعرف ع البنوته >>>>>>>>>>>>>>>>>>>>>>>
>>>>>>>>>>>>>>>>>>>>>> {{ الفرق بين الواقعيه والمثالية }} <<<<<<<<<<<<<<<
طبعا ناس كتير لقوني بتكلم في الموضوع ده !! طيب من الاخر انت عايز ايه يا عم فارس !!؟
المقصود من كلامي ان الواقعيه بتفرق كتير عن الكلام الدبلوماسي او الكلام المثالي : بمعنى ان انا بلاقي ناس تقول كذا صح وكذا غلط !
طيب ما الحمد لله معظمنا عارف الصح م الغلط ومعظمنا ع الاقل ناس عاقله و بلغت سن الرشد يعني عارف مصلحته يبقى ليه نقعد نعيد ونزيد في كلام في اغلب الاحوال بنردده و احنا مش فاهمين احنا بنردده بهدف ايه .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مثلا في الشات يقولوا بلاش شتيمة يا جماعه حرام وغلط و ... و .. !!
طيب اوكي انا عارف ان الشتيمه حرام والشتيمه غلط ، هتقولولي طيب ما دام عارف انها غلط بتعملها ليه ؟؟
هقولكوا عادي حاجة غلط من ضمن حاجات كتير غلط وعلى الاقل انا مش بستخبى ورا شخصيتين شخصية المتشرد وشخصية تانيه ادخل بيها وامثل دور المحترم ( لاغراض كلنا عارفينها ) اظن ان احنا المفروض نحكم ع الشخص باحترامه او عدم احترامه لو كنا نعرفه كويس اوي ، وبما اننا في شات كتابي يعني مجرد كلام وبيجري ع التكست فمش من حق اي حد انه يحكم عليا او على غيري بانه محترم او غير محترم .. اينعم انا ممكن اكون بشتم >> لكن مش بكذب ولا بنافق ولا بمثل دور المثقف ولا بمثل دور الحبيب ........... الخ
وعلى رأي المثل اللي بيقول تعرف فلان > اه
عاشرتـــه >>>>>>>>>>>>> لا
يبقى ما تعرفهـــــــــــوش
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثم ان اغلب الكلام اللي بلاقيه في الكلام المثالي او الدبلوماسي ده بيتكرر في كذا حالة
يعني دخلت الشات الفلاني لقيت نفس الكلام ودخلت الشات العلاني لقيته هوه هوه وبرده بين الاشخاص بيتكرر وبيقعدوا يعيدوا ويزيدوا فيه
و لما اجي اسأل حد انت داخل الشات ليه ؟
يقولي : داخل اتبادل الثقافات والمعلومات >>> شوية والاقيه بيعاكس في البنوته اللي معاه في الروم ( ثقافة العصر ) !!؟
>>>>>>>>>>>>>>>> الشخصيات في الشات <<<<<<<<<<<<<<<<<<<<<<<<
موضوع الشخصيات في الشات ده بقا حكاية
وانا هصنف نفسي مع الناس مش هعمل فيها الملاك البرئ يعني بس كل اللي بقوله ده انا بشوفه بعيني مش من خيالي او فلسفة وكده
احنا الاول هنقول الهدف الرئيسي لمعظم اللي بيدخل الشات اييه ؟؟
اكيــد عايز يبقى حد معروف في الشات واول ما يدخل الناس تقول فلان جه يلا نقعد معاه ( شخصية البارم ديله ) ما اعتقدش ان في حد مش عايز يبقى كده يعني
باختصار كلنا عايزين نلفت نظر الناس في الشات طيب نييجي بقا للبنات >>> ايه اللي بيحصل :
البنات منهم :- 1/ بتلفت النظر بكلامها المتسهوك
2/ في اللي تلفت النظر بكلامها الجامد للي يحاول يعاكسها
3/في اللي تقعد تهزر
4/ وفي اللي بتظهر احترام بشكل مبالغ فيه لدرجة انك ممكن تقولها كلمة عادية جدا بهزار >> هي تكبر الموضوع >> ليه ؟ >> علشان كل واحد يلزم حدوده ( مع انك ما تعدتش حدودك اصلا ) بس وسيلة للفت النظر
5/ طبعا في بقا اللي واخدين مبادئهم قبل ما يدخلوا الشات ( NO Private - نو تعارف - نو نو ........ نونوه كتير كده )
اكيد الكلام عنهم مش هيخلص لكن انا على قدر ما حصرت كتبت
مش معنى كده ان كلهم مش محترمين ولكن انا بتكلم في نقطة لفت الانظار >> الى جانب ان انا اعرف ناس كتير محترمين اقصد محترمات
بس الموضوع مش مقنع الى حد ما يعني لان اللي بتحترم نفسها هتجبر اي حد انه يحترمها غصب عنه ( بالاضافه لخاصية الاجنور في الشاتات )
وبجد انا عرفت بنات في الشات عارف عنهم حاجات كتير وبحترمهم جدا >>> لانهم واثقين في انهم داخلين علشان هيكونوا اخوات لا اكثر ولا اقل او ع الاقل اصدقاء (شات )
نييجي بقا لحبايبي الشباب اللي والله غلبت معاهم :
هنلاقي طبعا تشابه بينهم وبين البنات في مثلا :: 1/بيلفت نظر البنوته بالسهوكه ( ماهو مش هيتسهوك على راجل زيه ) ولا ايه ؟
2/واحد بيدخل هزار في هزار ويلم الناس حوليه
3/واحد يدخل الشات يعيش اي حالة ملفتة للنظر اغلبهم يا اما ( حزن - مضايقة - وحده ) وال ايه عايز يقعد لوحده في الروم وسبحان الله ( لو دخل عليه راجل وسلم سلام ربنا ما يلاقيش الرد لكن لو بنوتة دخلت تلاقي الولكم بتاعها من غير ما ترمي السلام ) والله الموضوع ده مش من فراغ ده حصل معايا ومن واحد المفروض اني كنت بحترمه ، بس ما اعتقدش ان الاحترام بيبقى لكل الناس .
4/وزي ما قولتلكوا انا هصنف نفسي والله من غير ولا شكر ولا ذم اكتر من اللازم لان ما يمدحش او ما بيتكلمش عن نفسه غير ابليس والعياذ بالله
انا زيي زي الناس دي كلها عايز ادخل الاقي الناس بتسلم عليا ( ما اعتقدش فيها عيب ) و جربت كل الوسائل اللي فاتت دي بس والله لقيت نفسي حاجة كده ملهاش لزمة لان من حيث السهوكه >> انا اقلب نفسي بنوته احسن
من حيث الجد اوي وعيشة الانطواء وكده >> محتاجة ممثل جامد اوي
الهزار >> دمي مش خفيف للدرجة دي يعني
بس انا جربت وساعات نجت وكانت اكتر حاله كسبت فيها ناس لما كنت بقول لاي حد ولكموووووووو نورتنا وووووووووو // يا حبي ازيك
مع اني ولا اعرفــــــــــــــــــــــــــــــــه.
======================== مشاكل الرومز ==========================
مشكلة الروم معايا ان انا بفضل ما ادخلش الروم اللي فيها اتنين يوزر بس الا لو حد منهم ناداني >> لاني ممكن ادخل ويكون في كلام خاص بين الاتنين دول
هتقولولي انت داخل روم عام والكلام الخاص يبقى في الخاص >>> هقولكوا احنا لسه قايلين فوق ان في ناس بتقفل الخاص بتاعها وبيقعدوا يتكلموا ع العام وغير كده
انا قبل كده دخلت روم فيه اتنين يوزر وعملت مشكله وكان ردي عليههم ان انا داخل روم عام يعني للشات كله
ومرة تاني دخلت روم لقيت واحد صاحبي بيقولي : فارس بعد اذنك 5 دقايق
طيب ليه انا ادخل الروم واحط نفسي في موقف محرج كده وفي الحاله دي يا اما هبقى شخص بارد يا اما هبقى متطفل وفي كلتا الحالتين ما حدش هيقبلها على نفسه
في ناس ممكن تقولك طيب ولو واحد فيهم عايزك تقعد : هقوله اكيد التاني مش عايزني وانا كده هبقى دخلت عملت مشكله بينهم وبرده هبقى في نظر اللي مش عايزني ده شخص بارد ومتطفل
========================================================================== .
طبعا كل ده مجرد دردشة وةابداء رأي ( والاختلاف في الرأي لا يفسد للود قضية ) وطبعا كلنا عارفين كده
=========================================================
في ناس ممكن تعتبر ان انا واحد وبيمثل دور المثقف وعامل فيها حاجة وكده .
يمكن بكتب ده كله علشان الناس تعرفني انا غلط في ايه واتعلم منهم
وانا والله مش قصدي من الكلام ده كله غير ان انا اتناقش و اعرف من الناس رايهم وبعدين اعتقد يعني ان اللي شايف انه حاجة تستاهل انه يتكلم فيها نتكلم ونعرف مين غلط ومين صح ؟
ويا ريت بلاش الكلام بتاع اصحاب النفوس الضعيفه او الردود الدبلوماسيه .
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
كلام باللسان جاي من مخ الانسان ،، كلام كلنا عارفينه ع التكست شايفينه ،، من ورا شاشه بنكتبه وساعات نبقى حافظينه ،، وكلام ملهوش معاني ،، بس يغلب كلام الاغاني ،، وكلمات تهز القلوب ولكن مش طالعه من قلوب ،، والله اللسان ياما بيقول ،، فين بس اصحاب العقول !؟ ،، غاب عنهم التفكير ،، سابهم وسط الظلام الكبير ،، بيتكلموا بدون تفكير ،، صحيح ده اللسان بيتكلم ،، واديني منهم بتعلم ،، كلمتين يمكن امشي معاهم ،، مش هفضل طول عمري وراهم ،، انا زي زيهم مش احسن منهم ،، يمكن كلامي مش مفيد ،، بعيد فيه وبزيد ،، كلمة منهم تقرب البعيد وعشرة مني لا تفيد ولا تزيد ،، العيب فيهم ولا فيا ،، اكيد حد عليه المسئولية ،، اكيد انا مش عارف منهم اتعلم ولا في يوم هعرف اتكلم ،، وهفضل واقف مكاني ،، بتفرج على غيري في زماني ،، عامل فيها القاضي وهتعب لساني ع الفاضي .... عجبىآ
========================================================
.